Jeugprins Sjors 1

NIEKS TE VREESE

ZDH Jeugprins Sjors 1 - C.V. de WaterratteOp zaoterdigmiddig 6 jannewarie 2018 is Sjors de Vreese ès kersverse Jeugprins van Carnavalsvereniging de Waterratte oet Ool-Herten oetgerope. Sjors I is 12 jaor, zoon van trotse aajers Aad-Prins Mark II en Anita de Vreese en broor van Joeri en Guusje. Hae zit in groep 8 op de Hubertussjool. Zien hobbies zeen game en biej de sjötterie oppe trom houwe.
Sjors I haet 3 adjudante oetgekaoze, zien zus Guusje en zien vrunj Rolf Helwegen en Tijn Allers.
Sjors I krieg op vriejdig 19 jannewarie 2018 ein prinseresepsie aangebaoje. Die wurtj gehaaje biej Café Kanters in Ool en begint om 19.00 oer toet ein oer of half neege.
De sjpreuk van Sjors I is “NIEKS TE VREESE!”

ZDH Jeugprins Sjors 1 + adjudanten - C.V. de Waterratte

Proklamasie

van Jeugdprins Sjors de 1ste van C.V. de Waterratte.

Gegaeve op 6 jannewarie 2018,
in ‘t biejzeen van Prezident Frans, Vors Huub, Kanseleer Ger, Ziene Dorslustige Hoogheid Prins Paul II en zien adjudante, de wieze raod van ellef, de jeugraod en os dansgarde n-Joy maak ich bekint:

Ten eerste:
Dèt ich d’r greuts op bön dèt ich dit jaor de Jeugprins moog zeen van de Waterratte.

Ten tweede:
Dèt ich bön gebaore in ’t jaor det mien pap Prins woor.

Ten derde:
Dèt ich de 3e Prins oet os gezin bön.

Ten veerde:
Dèt ich biej de Sjötterie gaer oppe trom houw.

Ten viefde:
Dèt ich dao döks oet de maot loup.

Ten zesde:
Dèt opruume neet mien hobby is.

Ten zevende:
Dèt ich altied alles kin gebroeke.

Ten achste:
Dèt eigewies auch wies is.

Ten negende:
Dèt ich gaer doon geeme.

Ten teende:
Dèt ich gefassieneerdj bön door lèmpkes.

Ten ellefde:
Dèt ich uch gaer ein dieke doem gaef!

Dit alles ônger miene liefsjpreuk:

NIEKS TE VREESE!

Miene sjlager vintj geer hiej onger:


NIEKS TE VREESE – sjlager Sjors I

Download de MP3 hiej:

Tèks:
Tis Vastelaovendj, dus nieks te vreese mit Sjors de 1e

Lekker geneete mit de Waterratte, dus dans en lach en sjpring

Tis Vastelaovendj, dus nieks te vreese mit Sjors de 1e
Lekker geneete zo en inins dach ich nog maar aan ein ding/ding/ding/ding…



Sjpringe!



Ver gaon op paad, der taege aan, Ver gaon op paad, der taege aan (koor)

‘t game effe van de baan, t game effe van de baan (koor)

Vastelaovend baovenaan, Vastelaovend baovenaan (koor)

Nieks te vreese veer gaon draan, nieks te vreese veer gaon draan

Nieks te vreese veer gaon draan,draan,draan…

Sjpringe!



Tis Vastelaovendj, dus nieks te vreese mit Sjors de 1e


Lekker geneete zo en inins dach ich nog maar aan ein ding