VEER KOMME ALTIED BAOVE WATER!
Op zaoterdagavondj 23 november 2013 is David Rutten, de 61e prins van carnavalsvereniging de Waterratte oet Ool/Herten oetgerope. David is 38 jaor en wirkzaam es technies medewerker biej Zjwumbad de Roerdomp in Remunj. Hae is getrouwdj mit Janine Poulussen en woont in Ool. David I wurdtj biejgesjtange door 3 adjudante, Marc Poulussen, Peter Mintjens en Frank de Koning. David I hiltj op 1 fibberwarie 2014 vanaaf 19.00 oer zien prinseresepsie in de Tump in Ool. De sjpreuk van David I is “Veer komme altied baove water”!
Proklemasie
Van ziene dorslustige hoogheid David I
Gebaore in Neel, maar sinds 8 jaor wonende aan de Brooksjtraot in Ool. Getrouwd mit Janine en dompteur van eine Tijger (hoeskat). Werkzaam es techniesche man in ut zjwumbad van Remunj.
Gegaeve op 23 November 2013
onger `t bie zeen van de Prezident, Kanseleer, Vors, Adjudante, Raod van 11, Dames, Dansgarde en Jeugraod make veer uch bekint:
Ten eerste: Det ich ut eine grote eer vinj det ich de 61ste prins van de Waterratte moog zeen
Ten tweede: Det ut vastelaovesplezeer in ut DNA zit vanne femilie mit eine aad-prins es vader en ein naefke dae gaer prins wilt waere
Ten derde: Det ich eine Keuning tusse mien adjudante höb
Ten veerde: Det ich eine ambtenaar bun en dus gein sjtaekpenninge moog aksepteere,consumptiepenninge natuurlijk waal
Ten vijfde: Det ich väöl mot werke mit sjroevedreiers en baco’s
Ten zesde: Desse eine Baco neet te lang in de handj mos haaje, en daorom maar baeter sjnel kins opdrinke
Ten zevende: Des se aepkes neet teveul kunstjes mos leere, want dan mot ut aepke veuls te vaak aantraeje
Ten achste: Det ich mich sjnel wiej eine vis in ut water veul
Ten negende: Det ich gaer kupke onger gaon mit ein grote fles, en det det geine fles beer zal zeen
Ten teende: Det ein langk sezoen veul baco’s en dus veul geld geit koste
Ten elfde: Det ich mit de vastlaovend de kop baove water haaj
Dit alles ônger miene liefsjpreuk:
Veer komme altied baove water!
Miene sjlager vintj geer hiej