Waat sjtrakkes? NOE!!!
Op zaoterdagavondj 21 november 2015 is Gerard Verkooijen als de 63e prins van carnavalsvereniging de Waterratte oet Ool/Herten oetgerope. Gerard I wurdtj biejgesjtange door 4 adjudante, Mike, Nicole, Mark en Roy. Gerard I hiltj op 9 jannewarie 2016 zien prinseresepsie in de Tump in Ool. De sjpreuk van Gerard I is “Waat sjtakkes? NOE!!!”
Proklamasie
Gebaore in ’t Marotteriek, mien jeug doorgebrach in ’t riek van’ne Uul van’ne Grauwert. Noe wonendje op’pe Jo Calssjtraot in’t Waterratteriek. Same mit mien vrouw Anita, eine Tuinhagedis mit Moezeblood en supertrots op mien kienjer (aad Waterladie) Denise en (aad jeugprins en adjudant) Jordy II.
Gegaeve op 21 november 2015,
ônger ’t biejzeen van Prezident Frans, Kanseleer Ger, Vors Huub, mien adjudante, de raod van Ellef, de jeugraod en de dansgardes make veer uch bekintj:
Ten eerste: Twee keer keuning en prins, det is miene wins.
Ten tweede: Mit dees daag geit ederein vrie oet.
Ten derde: Van water kriegs se geine kater.
Ten veerde: Maar es v’r gaon, den gaon v’r.
Ten viefde: Want es se thoes bliefs kumps se nörges.
Ten zesde: Höbs se pit den duis se mit.
Ten zevende: Handj in handj vastelaovendj same.
Ten achste: Maar veural doot ’t zellef.
Ten negende: en es ’t kumptj den kumptj ‘t.
Ten teende: want al `t goje kumptj van Herte.
Ten ellefde: gaas en noe draan!
NOE IS MIENE TIED, en det alles ônger miene liefsjpreuk:
Waat sjtrakkes? NOE!!!
Miene sjlager vintj geer hiej