Prins Mark III

NEET TE BLUSSE!

ZDH Prins Mark 3 - CV de Waterratte Ool-HertenOp zaoterdagavondj 19 november 2016 is Mark Wolters (45) ès de 64e prins van Carnavalsvereniging de Waterratte oet Ool-Herten oetgerope. Mark III is in ‘t dageliks laeve brandjwaerman en woont same mit Sandra en dochter Lizzy. Hae wurdtj biejgesjtange door 4 adjudante, Jos, Sandra, Bas en Martijn. Mark III hiltj op 4 fibberwarie 2017 zien prinseresepsie in de Tump in Ool. De sjpreuk van Mark III is “NEET TE BLUSSE!”

NEET TE BLUSSE! - Prins Mark 3 met adjudanten

Proklamasie

Wonend op de Standaardmolen in Maerum maar veer zigke Herte. Samewonend mit Sandra en trotse papa van Lizzy. In ut dageliks laeve bön ich brandjwaerman, dus unne richtige ambteneer.

Gegaeve op 19 november 2016,
in ut biejzeen van prezident Frans, vors Huub, kanseleer Ger, adjudante, de wieze raod van ellef, de dames, de dansgarde en de jeugdraod make veer uch bekint:

Ten eerste:
Dèt ich unne echte kempjoekel bön.

Ten tweede:
Dèt ich unne boot höb, dan wit geer det.

Ten derde:
Dèt wo rauk is, vuur is. En wo vuur is, bön ich.

Ten veerde:
Dèt binnebrendjes mien spesjaliteit zeen.

Ten viefde:
Dèt ich veur heitere vure höb gesjtange.

Ten zesde:
Dèt ich nao 1 wiekend wellicht gein sjtum meer höb.

Ten zevende:
Ich nooit optied bön, allein es de pieper geit.

Ten achste:
Dèt ich grootverbroeker bön van sjietpapier.

Ten negende:
Dèt ich mit dees daag minder zal rauke.

Ten teende:
Dèt “Kumpt good” mien sjtopwaord is.

Ten ellefde:
Dèt miene druim noe eindelik oetkumpt!

En dèt alles ônger miene liefsjpreuk:

NEET TE BLUSSE!

Miene sjlager vintj geer hiej onger:


NEET TE BLUSSE – sjlager Mark III

Download de MP3 hiej:

Tèks:
Ut guft nieks wat mich zo bevilt wie dit, in deze tied zit ut laeve mit.
De pieper op sjtil veur uch ein bittere pil, vastelaovend is wat ich wil.
De nacht wurd langk en veer viere zonger pauze, zit die glaeskes aan de mondj en lekker rauze.
Es ut brandj, laot maar branje en al brandj alles aaf, ut vastelaovessjpeel is hitzig hitzig gaaf.

Is ut te blusse?
Nae neet te blusse!
Nae neet te blusse,
as ut vuurke einmaol brandj kumpt dao geine tusse.

Ut guft nieks wat os zo bevilt wie dit, kom op miense doot ins mit.
Dit is get sjoons, ut maakt mich echt bliej. Wil echt neet nao hoes, veer blieve hiej.
Laot die angere maar kalle, det is egaal. Al sjteit ut vuur dich aan de sjene, det is normaal.
Laot os ins lekker viere, zo mot ut gaon. Doot mit en blief neet allemaol sjtaon.

Is ut te blusse?
Nae neet te blusse!
Nae neet te blusse,
as ut vuurke einmaol brandj kumpt dao geine tusse.