Foto: ’t Gebaortehoes
Wie eine vis in 't water!
Op zaoterdagavondj 23 november 2024 in eine zeer gezellige Tump is Jules Wennekes ès Jeugrins Jules 1 oetgerope van Carnavalsvereniging de Waterratte oet Ool-Herte.
ZJDH Jeugprins Jules I wûrdtj biejgesjtange door 4 adjudante: Sam, Daan, Jeu en Rijck. De sjpreuk van ZJDH Jeugprins Jules I is “WIE EINE VIS IN ‘T WATER!”
Proklamasie
Gegaeve op 23 november 2024, onger ’t biej zeen van President Frans, Kanselier Ger, Veurzitter Bas, Vors Marco, Jeugprinses Juul I, mien adjudante Sam, Daan, Jeu en Rijck , de wieze Raod van 11, de dames van de Waterratte, de Waterladies en N-Joy make veer uch bekint:
Dèt ich eine echte gangmaker bön.
Dèt ich gear mit miene pap en opa eine hengel oetgooij aan de waterkantj.
Dèt ich nooit sjtil zit, maar altijd in bewaeging bön.
Dèt mien zusje Ella alles veur mich is.
Dèt ich vaak geoefend höb mit de Prinsesjteek van miene oom.
Dèt ich gaer ein balletje trap.
Dèt vrûnj en familie erg belangriek veur mich zeen.
Det visse mich mit de paplaepel is ingegaote.
Dèt ich gaer mit mien mam op sjtap gaon.
Dèt Vastelaovendj viere waal biej os in de familie zit.
Dèt ich mit dees daag alles zal gaeve!
En dèt alles onger miene liefsjpreuk:
Wie eine vis in 't water!
Sjlager
Titel: Links, rechs, achter nao veur!
Download ‘m hiej:
tèks:
Veer gaon van links rechts achter nao veur
Links links rechts achter nao veur
Rechts rechts links achter nao veur
Veer gaon van links rechts achter nao veur.
Ich bun Prins Jules
En mit mien vrûnj
Feeste veer same
Van Herte, Maerum, Ool tot in Remûnj
Veer staon dees daag veur uch paraat
Es de ratte van ‘t baggergaat
Vissen op de Roer of in de Maas
Hering, kibbeling……sjnook of baars.
Ich hub heel vaak de lolboks aan
Vanaovend mit zien alle d’raan
Zolang ich hiej de muziek maar heur
Dan geit gans Limburg links rechts veur
Veer gaon van links rechts achter nao veur
Links links rechts achter nao veur
Rechts rechts links achter nao veur
Veer gaon van links rechts achter nao veur.
Loester,
Mit de Vastelaovendj make veer lol en plezeer
Geit ut neet linksom, dan maar rechtsom
Geit ut neet van achter, dan maar van veur
Want ich veul mich wie eine vis in ‘t water!
Veer staon dees daag veur uch paraat
Es de ratte van ‘t baggergaat
Vissen op de roer of in de maas
Hering, kibbeling……sjnook of baars.
Ich hub heel vaak de lolboks aan
Vanaovend mit zien alle d’raan
Zolang ich hie de muziek maar heur
Dan geit gans Limburg links rechts veur
Veer gaon van links rechts achter nao veur
Links links rechts achter nao veur
Rechts rechts links achter nao veur
Veer gaon van links rechts achter nao veur.