Neet in Galop, Gaas D'rop!
Op zaoterdagavondj 18 november 2023 in ein gezellig volle Tump is Lizzy Wolters ès allereerste Jeugprinses van Carnavalsvereniging de Waterratte oet Ool-Herten oetgerope. ZJDH Jeugprinses Lizzy I wûrdtj biejgesjtange door 3 adjudantes: Evi, Loeke en Zoë. De sjpreuk van ZJDH Jeugprinses Lizzy I is “NEET IN GALOP, GAAS D’ROP!”
Proklamasie
van ZJDH Jeugprinses Lizzy I.
Gegaeve op 18 November 2023 onger `t bie zeen van de Prezident Frans, Kanselier Ger, Veurzitter Bas, Vors Marco, mien adjudante Evi, Loeke en Zoë, de raod van 11, de dames, de dansgarde en de jeugraod
make veur uch bekent:
Dèt ich de eerste Jeugprinses van de Waterratte bön.
Dèt ich de dochter bön van Sandra en Aad-Prins Mark III.
Dèt ich mit dees daag 't paerd in de sjtal laot sjtaon.
Dèt ich mien tèks van de sjlager baeter kin onthaaje es mien vader.
Ich woon waal in Maerum, maar bön ein echte Waterrat!
Dèt ich ouch dans biej de Waterladies, maar neet de lenigste bön.
Dèt ich super bliej bön det Evi, Loeke en Zoë mien adjudantes zeen.
Dèt ich ein echte rommelvot bön.
Dèt mien mooder bliej is det ich noe geine tied höb veur miene iPad.
Det de Vastelaovend in mien blood zit.
Dèt miene grote druim noe is oetgekomme!
Dit alles ônger miene liefsjpreuk:
Neet in Galop, Gaas D'rop!
Sjlager
Titel: Vol Gaas D'rop!
Download ‘m hiej:
Tèks:
Hiej bin ich! Ich bin de Prinses
Draag zelfs miene jurk biej de paerdriejles
Bun supertrots, tiara op de kop
Refrein:
Noe neet in galop maar vol gaas er op
Noe neet in galop maar vol gaas er op
Noe neet in galop maar vol gaas er op
Es eerste Prinses, det vinj ich ech top
Noe neet in galop maar vol gaas er op
Wooow wooohooo wohooo jaaa lalalaa
Wooow wooohooo wohooo jaaa lalalaa
Hub geine tied, veur het internet
blief lang op, hoof nog neet nao bed
Bun supertrots, tiara op de kop