Wo geit de tied haer?!
Op zaoterdagavondj 17 november 2018 is Mike Verstegen ès de 6×11 Jubileum Prins van Carnavalsvereniging de Waterratte oet Ool-Herten oetgerope.
ZDH Mike I is in ’t dageliks laeve monteur biej de firma Breman. Hae wurdtj biejgesjtange door 4 adjudante: Angela, Kim, Leroy en Roy.
ZDH Mike I hiltj op zaoterig 19 jannewarie 2019 zien Jubileumprinseresepsie in de Tump in Ool.
De sjpreuk van ZDH Mike I is “WO GEIT DE TIED HAER?!”
Proklamasie
Wonend in het Plèkkersriek maar aktief bön in het Waterratteriek. En al ein aantal jaor mit help in de jeugkemissie. En dèt ich de grootste dierewei van Herte en Maerum höb!
Gegaeve op 17 november 2018,
Onger het biejzeen van Prezident Frans, Kanseleer Ger, Vors Huub, mien adjudante Angela, Kim, Leroy en Roy. De raod van Ellef, de jeugraod en de dansgardes, make veer uch bekintj:
Dèt ich trots bun dèt ich de 66e prins van de Waterratte bön.
Dèt dit ouch nog toevallig in ’t Jubileumjaor is.
Dèt ich in 2002 Jeugprins biej de Waterratte bön gewaes.
Dèt miene liefspreuk waas: Kûmp ’t neet oet de lengte, dan kûmp ’t oet de breidte!
Dèt ich veur gezônj loch zorg biej Breman.
Dèt ich oet ’t juuste hout gesneeje bön.
Dèt de kniên mit Kersmis nog neet vet zat is.
Dèt ich väöl op festivals te vinje bön.
Dèt ich in de laege tied aan de vèsviever lik en d’r zeker eine mot vange.
Dèt biej mich geine tied besteit.
Dèt ich pas nao hoes gaon es de lampe oet gaon!
Sjlager
Titel: Wo geit dae tied toch haer?!
Download ‘m hiej:
Tèks:
Waterratteeeeeee
(Woo oh oh! 3x)
Refrein:
Jao veer gaon feestend door ’t laeve
Nieks is os te gek
Altied alles gaeve ougal zeen vr aan de hek
Veer lache, danse, sjpringe
Toet midde in de nach
De sjteek, de keep, de vaer
Och wo geit de, jao wo geit de, tied toch haer
TIED TOCH HAER!
Woestijn in de mondj
De dors is neet normaal
Pak ein pilske aan de tap
Det is ’t materiaal
Elk oer det vluug veurbiej
Det zeen ver neet zo gaer
Wo geit de tied toch haer
TIED TOCH HAER!
Refrein
Ich begin te trille
Det is toch neet normaal
Want alles in dit tempo
Is veur neemus optimaal
Haol de henj maar oet de loch
Det is effe van de baan
Want noe gaon v’r aevekes…. rustig aan