
Pompe of verzoepe!
Op zaoterdagavondj 18 november 2017 is Paul van der Lusdonk ès de 65e prins van Carnavalsvereniging de Waterratte oet Ool-Herten oetgerope.
ZDH Paul II is in ’t dageliks laeve eigeneer van ein paar rondjvaartbeut womit hae mit väöl leefde en passie de Maas en heur omgaeving aafveurt.
Hae wurdtj biejgesjtange door 4 adjudante: Sandra, Frank, Bart en Rene.
ZDH Paul II hiltj op zaoterig 20 jannewarie 2018 zien prinseresepsie in de Tump in Ool.
De sjpreuk van ZDH Paul II is “POMPE OF VERZOEPE!”

Proklamasie
Wonend op het water in het Waterratteriek. En in mien dageliks laeve väöl mit de straom mit gaon en bezitter van de grootste vèsviever van Ool!
Gegaeve op 18 november 2017,
Onger het biejzeen van Prezident Frans, Kanseleer Ger, Vors Huub, mien adjudante Sandra, Frank, Bart en Rene. De raod van Ellef, de jeugraod en de dansgardes, make veer uch bekintj:
Dèt ich trots bun dèt ich de 65e prins van de Waterratte bön.
Dèt ich de 11.000ste inwoner van Zevenberge bön.
Dèt ich biej de raod van 11 in Zevenberge bön gewaes.
Dèt ich ouch boete ’t seizoen ein echte Waterrat bön.
Dèt ich good Frans Bauer nao kin doon.
Dèt geer neet bang hoof te zeen dèt geer zeeziek waerdj.
Dèt d’r mit de Vastelaovendj geine man euver baord geit.
Dèt ich neet bang veur water bön.
Dèt es ich neet oet kiek ich naate veut höb.
Dèt ich ein sjoon secondante en 3 adjudante höb.
Dèt der in ’t laeve meer besjteit es allein maar water.
En dèt alles onger miene liefsjpreuk:
Pompe of verzoepe!
Sjlager
Titel: Pompe of verzoepe!
Download ‘m hiej: