Foto: ’t Gebaortehoes
Neet renne, Sjpringe!
Op zaoterdagavondj 23 november 2024 is in eine bomvolle Tump Roland Linssen ès de 70e Prins van Carnavalsvereniging de Waterratte oet Ool-Herte oetgerope.
ZDH Prins Roland I wûrdtj biejgesjtange door 3 adjudante: Rob, Jos en Edgar. De sjpreuk van ZDH Roland I is “NEET RENNE, SJPRINGE!”
Proklamasie
Van Ziene Dorslustige Hoogheid Roland I. Samenwonend in ’t Waterratteriek mit Stefanie, en supertrotse papa van Roos en Suze, en ooze vrolike viervoeter Sam.
Dèt ich in ’t dagelikse laeve zorg veur ’n good pensjoen veur heel väöl Vastelaovesvierders.
Gegaeve op 23 november 2024, onger ’t biej zeen van President Frans, Kanselier Ger, Veurzitter Bas, Vors Marco, Jeugprinses Juul I, Jeugprins Jules I, mien adjudante Rob, Jos en Edgar, de wieze Raod van 11, de dames van de Waterratte, de Waterladies en N-Joy make veer uch bekint:
Dèt ich trots bön dèt ich de 70ste Prins van de Waterratte bön.
Dèt ich es Biemösj bön gebaore en es Kwekkert groot bön gewaore.
Dèt ich de Vastelaovend op ’t dörp en mit mien kinjer d’r bie ’t sjoonste vinj.
Dèt veer d’r ein geweldig langk Vastelaoves-sezoen van make.
Dèt ich jaorelang mit heel väöl plezeer kinjer-aktiviteite mit Comité Kinderfeesten Herten höb georganiseerd.
Dèt ich noe de Veurzittershamer vas höb van fanfare Sint Cecilia Herten.
Dèt daomit de toon is gezat.
Dèt ich mich gaer ein pilske drink, en soms auch waal meer es eine.
Dèt hèl en wied renne mien hobby is, maar noe gaon de ren-sjoon veur effe in de kas.
Dèt ich mit dees daag neet gaon renne, maar zinge, sjpas make, en sjpringe! – Doot allemaol mit!
Dèt mien adjudante ’t sjpringe aan mich euverlaote.
En dèt alles onger miene liefsjpreuk:
Neet renne, Sjpringe!
Sjlager
Titel: Neet renne, Sjpringe!
Download ‘m hiej:
tèks:
Ich bun neet te sjtoppe, ich ren michzelf kapot
Vanoet de Oolderveste tot Rome es ‘t mot
Mit CKH, fanfare, mot sjnel van hot nao her
Doon alles op ein tempo dus nieks is mich te ver
Maar mit de Vastelaovendj, den zeen ver minder rap
Den renne veer nog waal maar allein nog nao de tap
De rensjoon gaon de kas in, die hoof ich ech neet meer
Vervange de bidon veur halve liters beer
Refrein:
Ein Waterrat bringk gezelligheid
Twee Waterratte bringe sjtumming in de tent
Drie Waterratte en ’t daak det geit d’r aaf
Veer sjpringe same door die daag haer en veer rope alaaf!
Sjtilsjtandj is achteroetgang, dus det is gein good plan
Maar der zeen einmaol momente det ‘t neet angers kan
In ein boemvol kafee, dao is gein ruumte meer
’t enige wat geit is sjpringe op en neer
Refrein
Ooit den is der rust, alles achter de rugk
Den dingkse toch mit weemmoed aan die daag te-ruuk
Sjpringe duit de kop, en laupe duit de naas
Maar det is ’t waerd, dus gaef nog ein keer gaas
Refrein 2x
Sjpringe same door die daag haer en veer rope alaaf
Sjpringe same door die daag haer en veer rope alaaf