Knal in de val!
Op zaoterdagavondj 23 november 2019 is Tim Coenen ès de 67e Prins van Carnavalsvereniging de Waterratte oet Ool-Herten oetgerope.
ZDH Tim II is in ’t dageliks laeve werkzaam biej de firma Rentokil. Hae wurdtj biejgesjtange door 3 adjudante: Roy, Cheryl en Mike.
ZDH Tim II hiltj op zaoterig 25 jannewarie 2020 zien Prinseresepsie in de Tump in Ool. De sjpreuk van ZDH Tim II is “KNAL IN DE VAL!”
Proklamasie
Van ziene dorslustige hoogheid prins Tim de 2e.
Getrouwt mit het leefste maedtje van Mestreech, unne richtige Sjeng.
Wonend in het Berggeiteriek, maar gaer teruk nao Herte kom.
Det ich in mien dageliks laeve väöl ratte opruim biej miene baas, en det ich van ongesiefer haaj.
Bezitter van de grootste vèsviever van Berg.
Gegaeve op 23 November 2019 onger `t bie zeen van de prezident Frans, Kanselier Ger, Vors Huub, mien adjudante, de raod van 11, de dames de dansgarde en de jeugraod make veer uch bekint:
Dèt ich der trots op bön om de 67ste prins van C.V. de Waterratte te zeen.
Dèt ich op mien 31ste d’r klaor veur bön om Prins te moge zeen.
Dèt ich oet ein echt vastelaoves nès kom, en dèt ’t ouch in mien blood zit.
Dèt ich de aajste zoon bön van de zingende Vors!
Mien breurke haet mich geleert: waem thoes blief, kump nörges.
Dèt ’t neet zo zal zeen es miene pap; 2x prins is miene wins.
Dèt mien mam mich geleerdj haet om te laeve.
Dèt mien maedje ouch altied veur mich klaor steit.
Dèt ich adjudante höb die barste van de ervaring.
Dèt ich neet teruk sjrik om ein gooi rat te vange.
Dèt ich zeker te vange bön veur ein feestje.
En dèt alles ônger miene liefsjpreuk:
Knal in de val!
Sjlager
Titel: Vastelaoves tied!
Download ‘m hiej:
Tèks:
’t is noe weer zo wiet
Tis vasteloavendj tied
Veer staon hiej mit os al
Poem paaf knal in de val
Dees Waterratte hit
Die zinge veer noe mit
plezeer det make veer
mit zien alle te keer
Shup tup tup….
Dae wals lut os neet kaod
alle ratte in de moat
veer sjoenkele in ut rondj
veer make ut bontj
Dit wurdj ein zwjoare nach
ut is nog neet volbrach
Veer blieve hiej noe stoan
wille nog neet goan
’t is noe weer zo wiet
Tis vasteloavendj tied
veer stoan hiej noe allemoal
boem paaf knal in de val
Dees Waterratte hit
Die zinge veer noe mit
plezeer det make veer
mit zien alle te keer
Shup tup tup….
‘T vaat wurd leag gemaaktj
Doaveur hubbe veer ein zjwaak
De glaze goan weer vol
veer goan oet de bol
Mer langzaam geit ut noe
Noa ut echte einde toe
Meug maar ouch voldoan
wille veer neet goan
’t is noe weer zo wiet
Tis vasteloavendj tied
veer stoan hiej mit os al
boem paaf knal in de val
Dees waterratte hit
Die zinge veer noe mit
plezeer det make veer
mit zien alle te keer
Shup tup tup…